Novaja hałoŭnaja redaktarka «Majaka» Viktoryja Futryna atrymlivaje siertyfikat prachodžańnia kursaŭ žurnalistyki ad hałoŭnaha ideołaha Homielskaj vobłaści Dźmitryja Jazierskaha ŭ 2022 hodzie. Fota: sacsietki
Paśla zaćviardžeńnia ŭ studzieni 2023 hoda eks-hałoŭreda «Majaka» Iryny Kanavałavaj kiraŭnikom Homielskaha haradskoha radyjo 107.4 FM pasada hałoŭnaha redaktara rajonnaha vydańnia zastavałasia vakantnaj na praciahu amal paŭhoda. Hałoŭnaj redaktarka była zaćvierdžana Viktoryja Futryna. Novaja kiraŭnica pryjšła ŭ vydańnie tolki ŭ pačatku 2022 hoda.
Jak i jaje papiarednica, Viktoryja Futryna da prychodu ŭ «Majak» nie mieła dačynieńnia da prafiesijnaj žurnalistyki. Uradženka Rečycy skončyła škołu ŭ 2013 hodzie i pastupiła na jurydyčny fakultet HDU imia F. Skaryny. Tut jana stała aktyvistkaj BRSM, što ŭ dalejšym i vyznačyła jaje budučuju karjeru.
Praciahnuŭšy pracu ŭ BRSM paśla zakančeńnia ŭniviersiteta, prapahandystka-pačatkoviec brała ŭdzieł u stvareńni patryjatyčnyja rolikaŭ dla miascovych ŚMI. Paralelna Futryna była pryciahnuta da prafsajuznaj pracy. Jana stała inśpiektarkaj pracy Homielskaha rajonnaha abjadnańnia prafsajuzaŭ, pra što raspaviadaje na staronkach «Majaka», padpisvajučysia svaim dziavočym proźviščam Łapickaja.
Publikacyi Viktoryi Futrynaj na staronkach «Majaka» ŭ 2022 hodzie
U červieni 2022 hoda Viktoryja Futryna prajšła kursy pavyšeńnia kvalifikacyi dla žurnalistaŭ u Homielskim dziaržaŭnym univiersitecie. I ŭ hety ž čas na staronkach «Majaka» pačali źjaŭlacca jaje pieršyja prapahandysckija teksty. Navajaŭlenaja žurnalistka, jakaja ŭ hod Jeŭramajdana tolki skončyła škołu, adrazu ž uziałasia za ŭkrainskuju tematyku.
Publikacyi Viktoryi Futrynaj na staronkach «Majaka» ŭ 2023 hodzie
Šlach ad žurnalistki-pačatkoŭca da hałoŭnaha redaktara rajonnaj haziety zaniaŭ krychu bolš za hod. U čakańni pryznačeńnia, Futryna pačała bolš aktyŭna vykarystoŭvać movu nianaviści ŭ svaich publikacyjach. U materyjałach prapahandystki stali źjaŭlacca fejkavyja karcinki z abrazami prezidenta Ukrainy.
Vyvučeńnie tekstaŭ Futrynaj pakazvaje, što jana ŭžo adbyłasia jak prarežymnaja prapahandystka. Biełarusaŭ, jakija emihravali, jana nazyvaje adščapiencami i bamžami, u padrabiaznaściach apisvaje pravavy režym emihrantaŭ u Jeŭropie, jaki źjaŭlajecca absalutnaj vydumkaj.
Futryna pra pravavoje stanovišča biełaruskich emihrantaŭ u Jeŭropie
Na dumku aŭtaraŭ «Fłahštoka», bačačy prykład svajoj papiarednicy, Viktoryja Futryna napeŭna taksama pasprabuje skarystacca svaimi prapahandysckimi navykami dla dalejšaha karjernaha rostu. Tamu varta čakać, što ŭ budučyni hradus nianaviści na staronkach niekali spakojnaj Homielskaj rajonki budzie tolki narastać.
Čytajcie taksama:
Redaktarku homielskaj rajonki, viadomuju jak danosčycu, pryznačyli kiravać «začyščanym» radyjo
