Raman žurnalista Viktara Marcinoviča «Paranoja» źniaŭ z prodažaŭ oz.by — najbujniejšaja internet-kniharnia.
Na oz.by źnikła internet-staronka z anatacyjaj da ramanu, a taksama staronka, pryśviečanaja samomu aŭtaru, Viktaru Marcinoviču. Dla tych, chto zamoviŭ raman papiarednie, staronka z vokładkaj ramanu adčyniajecca, ale ŭ levym kucie napisana «Prodaž hetaha tavaru bolš nie płanujecca».
Pa telefonie supracoŭniki adździełu absłuhoŭvańnia oz.by rajać tym, chto choča zakazać knihu, «bolš nie zvanić na hety kont».
Jašče raniej raman «Paranoja» stała niemahčyma kupić na knižnym kirmašy «Śviet Knih». Handlary knihami na ŭmovach ananimnaści kazali, što padobnyja zabarony raspaŭsiudu vydajucca administracyjaj nieaficyjna. Pavodle ichnich słovaŭ niejkich dakumientaŭ albo rasparadžeńniaŭ na hety kont nie isnuje: administracyja kirmaša prosta paviedamlaje ab niepažadanaści prodažaŭ toj ci inšaj knihi.
Raman «Paranoja» raspaviadaje ab krainie, padobnaj da Biełarusi i horadzie, padobnym da Minska. Jość tam i pra dyktaturu, i pra čałaviečyja adnosiny. Šmat chto znajšoŭ u knizie Marcinoviča padabienstva z oruełaŭskim «1984».
0
0
0
0
0
0
