Ministerstva kultury i Biełaruskaje dobraachvotnaje tavarystva achovy pomnikaŭ historyi i kultury sprabujuć pryciahnuć da kryminalnaj adkaznaści vinavatych u śviadomym paškodžańni historyka‑kulturnaj kaštoŭnaści, doma pa vulicy Revalucyjnaja, 24‑a
11 listapada KUP «Minskaja spadčyna» sprabavała zrujnavać budynak XIX st. pa vuł. Revalucyjnaja (byłaja Kojdanaŭskaja) 24‑a,, biez dazvołu Ministerstva kultury.
Pryčym znos budynka sprabavali pačać buldozierami, niahledziačy na rašeńnie Biełaruskaj respublikanskaj navukova‑mietadyčnaj rady, jakoje pradpisvała ručnuju razborku kanstrukcyj, kab potym jak maha bolej aŭtentyčnaha materyjału było vykarystana pry rekanstrukcyi budynku.
Namahańniami hramadskaci i śpiecyjalistaŭ Upraŭleńnia achovy historyka‑kulturnaj spadčyny i restaŭracyi Ministerstva kultury niezakonnyja dziejańni «restaŭrataraŭ» byli prypynieny.
Hałoŭny inžynier pradpryjemstva Michaił Žych paśla hetaha vypadku abiacaŭ vykonvać pracy na abjekcie tolki zhodna z rekamiendavanymi technałohijami. Ale jak tolki atrymali dazvoł «Minskaja spadčyna» atrymała dazvoł na na ručnuju razborku, 30 listapada pačałosia rujnavańnie pomnika pry dapamozie ekskavatara. Jany paśpieli źnieści cełaje kryło pabudovy, heta pryblizna 1/6 budynka.
Na dadzieny momant pracy na znosu doma prypynieny Ministerstvam kultury, jakoje padrychtavała materyjały, dla prakurorskaj pravierki, pa faktu narušeńniaŭ zakanadaŭstva. A Tavarystva achovy pomnikaŭ źviarnułasia ŭ Prakuraturu Centralnaha rajona h. Minska z prośbaj pryciahnuć da kryminalnaj adkaznaści pa č.2 art. 344 Kryminalnaha kodeksu hałoŭnaha inžyniera «Minskaj spadčyny» Michała Žycha i pa art. 428 dyrektara pradpryjemstva Paŭła Šykunca.
