U niadzielu na čempijanacie Eŭropy pa lohkaj atletycy, što prachodziŭ 7–13 žniŭnia ŭ švedzkim Hioteborhu, biełaruskija spartoŭcy (dakładniej – spartoŭki) zdabyli dva medali.
Napačatku «bronzu» ŭ estafecie 4ch100 metraŭ zavajavali Julija Nieściarenka, Natalla Safrońnikava, Alena Nieŭmiaržyckaja dy Aksana Drahun. Dziaŭčaty prabiehli dystancyju za 43,61 sekundy, sastupiŭšy 0,9 sekundy zbornaj Rasiei i 0,1 sekundy kamandzie Brytanii.
Julijana Žaŭniaruk, Śviatłana i Iłona Usovičy dy Hanna Kozak zdabyli «srebra» ŭ estafecie 4ch400 metraŭ (3:27,69). Pieršaje miesca ŭ zbornaj Rasiei (3:25,12).
Takim čynam, na rachunku biełaruskaj kamandy dzieviać medaloŭ: čatyry załatyja, try siarebranyja i dva bronzavyja. Vynik biespredentny.
Cikava, što žančyny zavajavali ŭ dva razy bolš medaloŭ, čym mužčyny. Na ich rachunku try załatyja medali: siostry Ryta (chada na 20 km) i Alesia (stypl-čez) Turavy, Natalla Charaneka (jadro). Nadzieja Astapčuk maje «srebra» (jadro). Pa adnym siarebranym i bronzavym medali zavajavali estafetnyja kamandy.
Ivan Cichan zavajavaŭ «zołata» (mołat), Andrej Michnievič – «srebra» (jadro), Vadzim Dzieviatoŭski – «bronzu» (mołat).
Kali brać pad uvahu vartaść medaloŭ (pa kolkaści załatych), što robicca najčaściej, to biełaruskaja nacyjanalnaja družyna ŭ nieaficyjnym kamandnym zaliku zajmaje treciaje miesca. Pieršaja – Rasieja, jana maje ažno 34 medali (12 załatych, 12 siarebranych, 10 bronzavych), Niamieččyna — 10 (4, 4, 2).
Kali brać pad uvahu ahulnuju kolkaść medaloŭ, biełarusy – piatyja. Nas abyšli zbornyja Hišpanii i Vialikabrytanii, što majuć pa 11 medaloŭ. Ale ŭ hišpancaŭ i hišapanak try załatyja, u Vialikabrytanii tolki adno «zołata».
A što susiedzi? Polšča maje 7 medaloŭ (0, 3, 4), Ukraina – 3 (0, 1, 2). Litva i Łatvija majuć pa adnoj uznaharodzie: i tam, i tam «zołata».
Usiaho medali zavajoŭvali spartoŭcy 31 krainy.
