Fota ilustracyjnaje
Pavodle infarmacyi DPK, stanam na 10-ju hadzinu 5 vieraśnia zastavaŭsia najbolš zahružanym litoŭski kirunak. Ujezdu ŭ Litvu čakała 520 hruzavikoŭ. Najbolšaja čarha ź vielikahruzaŭ fiksavałasia pierad punktam propusku «Miedniki» («Kamienny Łoh»). Skazana, što supracoŭniki hetaha punkta propusku na svaju terytoryju prapuścili kala 30% fur ad ustanoŭlenaj normy.
U viedamstvie dadali, što kantrolnyja słužby litoŭskich punktaŭ propusku «Łavaryški» («Katłoŭka») i «Salečniki» («Bieniakoni») aformili tolki 38% i 61% hruzavikoŭ adpaviedna.
Taksama paviedamlajecca, što bolš za 80 lehkavych aŭtamabilaŭ znachodzicca ŭ čarzie pierad polskim punktam propusku «Tarespal» («Brest»). U pamiežnym kamitecie skazali, što sumiežny bok pryniaŭ tolki 39% aŭtamabilaŭ ad normy.
Čytajcie taksama:
«Adstaju za vas». Za kolki pradajuć miesca ŭ čarzie na miažy ź Litvoj i Polščaj
Naŭsieda zaklikaŭ nie pieratvarać zakryćcio pamiežnych pierachodaŭ ź Biełaruśsiu ŭ sport