Pra heta zajaviła staršynia Centravybarkama Lidzija Jarmošyna 11 śniežnia ŭ Minsku ŭ razmovie z žurnalistami.
Treba adznačyć, što padčas razhladu papravak u vybarčaje zakanadaŭstva ŭ druhim čytańni staršynia kamisii pa dziaržbudaŭnictvie, miascovym samakiravańni i rehłamiencie Pałaty pradstaŭnikoŭ Vasil Bajkoŭ paviedamiŭ:
«U našu kamisiju pastupili zvaroty hramadzian, niaŭradavych arhanizacyj, u pryvatnaści Biełaruskaha Chielsinkskaha kamiteta, Biełaruskaha tavarystva invalidaŭ.
Prapanovy byli nami vyvučany, bolšaść ź ich — u ramkach prapanavanych zakonaprajektam navacyj».
Siońnia Lidzija Jarmošyna zajaviła, što «ničoha aficyjna ad Biełaruskaha Chielsinkskaha kamiteta nie pastupała».
«Navat padčas majoj anłajn‑kanfierencyi takich prapanoŭ nie prahučała, — padkreśliła kiraŭnik CVK. — Jak viadoma, u takich kanfierencyjach udzielničajuć hramadzianie adpaviednych, hałoŭnym čynam apazicyjnych pohladaŭ. Usie pytańni zvodzilisia pieravažna da abrazaŭ. Nivodnaj kanstruktyŭnaj prapanovy nakont bačańnia i źmieny vybarčaha zakanadaŭstva nie pastupała».