Ustupiŭ u siłu prysud, vyniesieny 48‑hadovaj minčancy, jakaja sprabavała pieradać narkatyčnyja rečyvy synu, jaki adbyvaje pakarańnie ŭ vypraŭlenčaj kałonii ŭ Ivacevičach.
Pra heta paviedamiła staršy pamočnik prakurora Bresckaj vobłaści Volha Dźmitruk.
Maci 12 dziaciej (siamiora ź ich niepaŭnaletnija), pracavała harderobščycaj i dvornikam u Minsku. U lipieni 2009 h. jana pryjechała ŭ kałoniju na spatkańnie z 27‑hadovym synam, jaki adbyvaje pakarańnie za zbyt narkatyčnych srodkaŭ. Darečy, u hetaj kałonii adbyvajuć pakarańnie troje synoŭ asudžanaj.
Pry praviadzieńni asabistaha dahladu ŭ intymnym miescy žančyny byli znojdzienyja spakavanyja ŭ humovy napalčnik narkatyčnyja rečyvy ahulnaj vahoj bolš za 6,8 h (hierain, marychuana i inš) Narkotyki pryznačalisia dla pieradačy synu.
Pryhavoram suda Ivacevickaha rajona minčanka pryznana vinavataj u ździajśnieńni złačynstva, praduhledžanaha č.3 art.328 KK Biełarusi.
Jana asudžana na vosiem hadoŭ pazbaŭleńnia voli ŭ kałonii ahulnaha režymu. 11 śniežni 2009 hoda sudovaja kalehija pa kryminalnych spravach Bresckaha abłasnoha suda adkinuła kasacyjnuju skarhu.