Prysudžeńnie premii imia Franciška Alachnoviča adbudziecca ŭ Dzień źniavolenaha piśmieńnika 15 listapada. Na razhlad buduć prymacca tvory, apublikavanyja całkam ci častkova ŭ pieryjad ź listapada 2021-ha pa listapad 2023 hoda.
Arhanizatary prosiać svajakoŭ, siabroŭ źniavolenych źbirać i zachoŭvać tvorčaść z-za krataŭ, pieradać viaźniam zaprosiny ŭdzielničać u stvareńni litaratury pamiaci i zyčeńni chutkaj svabody.
Daviedacca bolš ab premii imia Franciška Alachnoviča i jaje łaŭreatach možna na adpaviednaj staroncy na sajcie PENa.
Letaś zasnavalniki premii, «Radyjo Svaboda» i Biełaruski PEN, pieranieśli cyrymoniju ŭznaharodžańnia na 2023 hod.
Prysyłajcie tvory ci spasyłki na ich na adras [email protected] z paznakaj «Premija Alachnoviča».
Arhanizatary płanujuć uručać premiju imia Franciška Alachnoviča, pakul situacyja ŭ krainie budzie davać dla hetaha padstavy, ale spadziajucca, što jana nieŭzabavie stracić svaju aktualnaść.
Premija za tvory, napisanyja ŭ źniavoleńni, była zasnavanaja ŭ 2013 hodzie. Jaje pryśviacili dramaturhu i režysioru Francišku Alachnoviču (1883—1944), čyja kniha «U kapciuroch HPU» adnoj ź pieršych raskazała śvietu pra saviecki HUŁAH.
Łaŭreatami premii imia Franciška Alachnoviča stanavilisia Ihar Alinievič (2013), Aleś Bialacki (2014), Źmicier Daškievič (2014), Fieliks Piekier (2014), Pavieł Sieviaryniec (2014), Alaksandr Fiaduta (2014), Iryna Chalip (2014) Mikoła Dziadok, Źmicier Drozd, Andrej Sańnikaŭ (2017), Leanid Piatrenka (2017), Alaksandr Łapšyn (2018), Uładzimir Niaklajeŭ (2018), Volha Mikałajčyk (2018), Aleś Puškin (2019), Siarhiej Skrabiec (2019), Andrej Alaksandraŭ (2021), Alaksandr Vasilevič (2021), Maksim Znak (2021), Volha Kałackaja (2021), Śviatłana Kuprejeva (2021), Mikoła Papieka (2021), Andrej Skurko (2021) i inšyja.
Čytajcie taksama:
Premiju Sacharava prysudzili paśmiarotna Machsie Amini, jakaja stała simvałam pratestaŭ u Iranie
Premiju «Hliniany Viales» atrymała Nasta Kudasava
Źniavolenuju advakatku Juliju Jurhilevič uhanaravali Mižnarodnaj premijaj Terje
