Taryfy na pasłuhi paštovaj suviazi ahulnaha karystańnia, jakija akazvajucca nasielnictvu, jurydyčnym asobam i indyvidualnym pradprymalnikam, z 19 śniežnia pavyšany ŭ siarednim na 10%, taryfy na pasłuhi elektrasuviazi — u siarednim na 6,2%.
Jak paviedamiła pres‑słužba Ministerstva ekanomiki, takoje rašeńnie ŭtrymlivajecca ŭ pastanovie № 197 ad 15 śniežnia 2009 hoda. Dakumient apublikavany 18 śniežnia ŭ haziecie «Respublika» i nabudzie moc 19 śniežnia 2009 hoda.
Tak, taryfy na pierasyłku kartki pavialičany na 20 rubloŭ (da 230 rubloŭ), na pierasyłku prostaha lista i prostaj banderoli — na 30 rubloŭ (da 290 rubloŭ).
Abanienckaja płata dla nasielnictva za karystańnie telefonam u sietkach, pieraviedzienych na pačasovuju sistemu apłaty, pavyšana na 440 rubloŭ i ŭstanoŭlena ŭ pamiery 2.400 rubloŭ u miesiac. U sietkach, nie pieraviedzienych na pačasovuju sistemu apłaty, pavyšana na 520 rubloŭ i ŭstanoŭlena ŭ pamiery 3.600 rubloŭ u miesiac. Abanienckaja płata za radyjokropku ŭstanoŭlena ŭ pamiery 650 rubloŭ u miesiac.
Prykładna ŭ takich ža pamierach pavyšany taryfy na vyšejpieraličanyja pasłuhi, jakija akazvajucca jurydyčnym asobam i indyvidualnym pradprymalnikam.
Uzrovień taryfaŭ za miascovyja i mižharodnija telefonnyja razmovy, ustanoŭku telefona i pasłuhi telehrafa zastalisia na minułym uzroŭni.
Jak adznačyła pres‑słužba, nieabchodnaść pavyšeńnia taryfaŭ na ŭkazanyja vyšej pasłuhi paštovaj suviazi i elektrasuviazi ahulnaha karystańnia abumoŭlena ich stratnaściu.Tak, pa vynikach pracy za 10 miesiacaŭ 2009 hoda ŭzrovień kampiensavańnia dachodami vydatkaŭ na akazańnie pasłuh miascovaj telefonnaj suviazi składaje 58,7%, radyjofikacyi — 29,4%, pasłuh pa pierasyłcy prostaha lista — 70%, pierasyłcy paštovaj kartki — 56,5% i h.d.
Adnačasova ŭkazanaj pastanovaj uniesieny asobnyja redakcyjnyja źmianieńni i dapaŭnieńni ŭ dziejnyja prejskuranty na pasłuhi elektrasuviazi ahulnaha karystańnia, jakija akazvajucca nasielnictvu, jurydyčnym asobam i indyvidualnym pradprymalnikam. Heta abumoŭlena nieabchodnaściu pryviadzieńnia ich u adpaviednaść z novaj redakcyjaj pravił akazańnia pasłuh elektrasuviazi, zaćvierdžanaj pastanovaj Savieta ministraŭ № 677 ad 27 maja 2009 hoda.
