Za słužbovy padłoh asudžany były načalnik śvinakompleksu pryvatnaha sielskahaspadarčaha unitarnaha pradpryjemstva (PSUP) «Stolin‑Ahra» Stolinskaha rajona.
Jak paviedamiła staršy pamočnik prakurora Bresckaj vobłaści Volha Dźmitruk, źjaŭlajučysia kiraŭnikom śvinakomplesu,
u 2008 hodzie jon utaiŭ śmierć 729 śvinak šlacham skažeńnia dziaržaŭnaj statystyčnaj spravazdačnaści i zaniasieńnia niesapraŭdnych źviestak u štomiesiačnyja spravazdačy.
Takim čynam načalnik utojvaŭ sapraŭdny stan spraŭ na kompleksie, paźbiahaŭ adkaznaści za dapuščany masavy padziož śviniej i pazbaŭleńnia nadbavak da zarabotnaj płaty.
8 śniežnia hetaha hoda sud Stolinskaha rajona pryznaŭ byłoha načalnika śvinakompleksu vinavatym va ŭčynieńni złačynstva, praduhledžanaha č. 2 art. 427 Kryminalnaha kodeksa (słužbovy padłoh).
Pryhavoram suda jamu pryznačana pakarańnie ŭ vyhladzie pazbaŭleńnia prava zajmać kirujučyja pasady, źviazanyja z vykanańniem arhanizacyjna‑rasparadčych funkcyj subjektaŭ haspadarańnia, terminam na try hady sa štrafam u pamiery 90 bazavych vieličyń (3,15 młn. rubloŭ).
Jak adznačyła Dźmitruk, u sudovym pasiadžeńni abvinavačany całkam pryznaŭ svaju vinu. Jon taksama nie skarystaŭsia svaim pravam na abskardžańnie vyniesienaha pryhavoru, jaki nabyŭ moc18 śniežnia.
Papiaredniaje rasśledavańnie pa hetaj kryminalnaj spravie praviedziena prakuraturaj Stolinskaha rajona.
