Robi Ŭiljams
Žyćcio ŭ błočnym domie moža być poŭnym turbotaŭ, asabliva kali susiedzi — prychilniki hučnaj muzyki. Adnak adzin bałharyn, jaki vyrašyŭ zabić susieda za toje, što toj słuchaŭ bieź pierapynku adnu i tuju pieśniu, napeŭna, prabavić nastupnyja 16 hadoŭ ź nie mienš prablematyčnymi susiedziami — zabojcami i rabaŭnikami.
45-hadovy Alaksandr Alaksandraŭ z baŭharskaha Piernika byŭ asudžany za zabojstva svajho susieda Martyna Krumava. Krumaŭ raźjatryŭ Aleksandrava, kali pačaŭ krucić dni navylot adnu i tuju pieśniu «Anioły» ŭ vykanańni brytanskaha śpievaka Robi Ŭiljamsa.
Pavodle śviedčańniaŭ Alaksandrava, jon vymušany byŭ pasłuchać «aniolskuju» kampazicyju nie mienš za 1000 razoŭ na tydzień. U vyniku zvady, jakaja ŭsčałasia pamiž susiedziami, Alaksandraŭ zabiŭ svajho susieda-miełamana.
Zabojca choča padać apielacyju.«Ja byŭ prosta steraryzavany hetaj muzykaj, — ličyć Alaksandraŭ. — I tamu dumaŭ tolki pra toje, jak jaje chutčej spynić».
