Vakoł Minska pralaža druhaja kalcavaja aŭtadaroha. Heta paćvierdziŭ vykanaŭca abaviazkaŭ staršyni Minharvykankama Mikałaj Ładućka ŭ časie online kanfierencyi na sajcie BIEŁTA.
«Treba farmavać na adlehłaści 15-17 km ad dziejnaj abvodnaj aŭtamabilnaj darohi druhoje kołca», - skazaŭ Ładućka.
Jon raskazaŭ taksama, što za čatyry hady ŭ Minsku majuć zbudavać vosiem novych raźviazak. «Budzie zavieršana raźviazka na vulicy Kalvaryjskaj i zatym vychad na praśpiekt Dziaržynskaha. U 2010 hodzie my pačniom budavać jašče dźvie raźviazki: vuł.Arłoŭskaja - vuł.Cimirazieva i vuł.Majakoŭskaha - vuł.Dzianisaŭskaja. Potym u nas płanujecca jašče adna raźviazka ŭ Čyžoŭcy», - adznačyŭ jon. Siaredni košt adnoj raźviazki składaje kala $20-25 młn.