Lider BCHD Pavał Sieviaryniec atrymaŭ na śviaty praz elektronnuju poštu list ad «prastytutki Voli», jakaja miesiac tamu abvinavaciła adnaho z suzasnavalnikaŭ BCHD Hieorhija Dźmitruka ŭ zapazyčanaści nibyta za peŭnyja «pasłuhi».
Voś niekatoryja vytrymki ź lista, razasłanaha pres‑słužbaj BCHD (zachavanyja mova i pravapis aryhinału):
«Pavieł. Pišu v nadieždie na vzaimnosť. Hieorhij iz Briesta o tiebie mnoho rasskazał. Čto ty poriadočnyj čiełoviek osobienno. Čto ty čiesnyj i dobryj i dažie muchu nikohda nie obidieł. Dieńhi dla tiebia nie hłavnoje… A dieńhi čto nie zapłatił Žora mnie nie takije radosnyje i užie nie nado. Davaj vstrietimsia, pozvoni mnie požałusta po tielefonu 80295082541. Pieried toboj Paša hotova pokajaťsia i dažie svoi vidieo‑filmy s Žoroj zžieč. Ola»
Pavał Sieviaryniec ličyć, što heta čarhovaja pravakacyja KDB, a značyć «BCHD dobra dapiakła hety režym»:
«I śmiech, i hrech. Z hetaje pisulki nadta užo jaŭna tyrčać hebešnyja rožki i kapytcy. Spačatku sud u Navahradku 29‑30 śniežnia, pad Novy hod, potym pozva na Rastvo 6 studzienia, ciapier voś takoje «vinšavańnie» na Dzień narodzinaŭ».
Nahadajem, 1 śniežnia sfalšavanyja aŭdyjozapis suprać sustaršyni BCHD Hieorhija Dźmitruka źjaviŭsia na adnym z forumaŭ u Bajnecie, a taksama byŭ razasłany bolšaści infarmacyjnych resursaŭ. «Dziaŭčaty», jakija padpisalisia jak pradstaŭnicy «drievniej profieśsii Ola, Lena i Ola», abvinavacili Dźmitruka ŭ zapazyčanaści nibyta za peŭnyja «pasłuhi».
Hieorhij Dźmitruk zaprasiŭ «dziaŭčynak» na pres‑kanferencyju BCHD 2 śniežnia, adnak tudy tak nichto i nie pryjšoŭ.
