Prezident Ukrainy Viktar Juščanka nazvaŭ premjera Juliju Cimašenka i lidera Partyi rehijonaŭ Viktara Janukoviča prakramloŭskimi kandydatami ŭ prezidenty.
Takuju zajavu jon zrabiŭ 3 studzienia padčas cyrymonii aśviačeńnia katalickaha chrama Śviatoha Archistratyha Michaiła ŭ Lvoŭskaj vobłaści.
«Maskoŭski prajekt nie pavinien pieramahčy 17 studzienia, tamu što Cimašenka i Janukovič – heta lepšyja pradstaŭniki adzinaj kramloŭskaj kaalicyi» – skazaŭ prezident Ukrainy.
Juščanka nahadaŭ ab tym, što Janukovič i Cimašenka hod nazad užo sprabavali stvaryć kaalicyju šlacham kanstytucyjnaha pieravarotu. Na dumku prezidenta Ukrainy, ni Cimašenka, ni Janukovič nie buduć trymacca idei suvierennaj, niezaležnaj dziaržavy.
«Ich mara, heta toje, dzie ty piersanalna budzieš zaŭtra – va ŭładzie ci nie va ŭładzie. Ułasna dla hetaha fabrykujuć tyja hazavyja damovy, jakija viaduć Ukrainu da enierhietyčnaj i ekanamičnaj kapitulacyi. Adsiul pačynajecca viečnaja dysłakacyja Čarnamorskaha fłotu. Adsiul pačynajecca admova ad našaj intehracyi ŭ NATA. Adsiul pačynajecca zdača naftapravoda Adesa-Brody» – padkreśliŭ Juščanka.
Pry hetym V.Juščanka adznačyŭ, što jaho palityka zaklučajecca ŭ supraćlehłym. Jon prapanoŭvaje krainie viarnucca dadomu – u Jeŭropu. «Vybar u vašych rukach. Ja b vielmi chacieŭ, kab ukrainski zdarovy sens pieramoh. Nam niama čaho šukać va ŭčorašnim bałotnym dnie».
Nahadajem, što vybary prezidenta Ukrainy zapłanavanyja na 17 studzienia.
0
0
0
0
0
0
