Staršynia Centrvybarkama Lidzija Jarmošyna spadziajecca na aktyvizacyju dziejnaści palityčnych partyj padčas miascovych vybaraŭ.
«Spadziajusia, palityčnyja partyi aktyvizujucca, kali, viadoma, zmohuć znajści sapraŭdy realnych pretendentaŭ na ŭdzieł u vybarach. Na žal, minułyja vybary pakazali, što amal pałova palityčnych partyj navat nie zmahli prajści praces rehistracyi svaich pretendentaŭ kandydatami», — skazała Jarmošyna.
Staršynia Centrvybarkama padkreśliła, što «palityčnyja partyi stvarajucca dla ŭdziełu ŭ vybarach, usia ich astatniaja dziejnaść nie maje značeńnia».«Kali ŭ partyi jość kandydaty, jakija zmohuć uziać udzieł u vybarach, to heta budzie dobra. Tym bolš što papraŭki ŭ vybarčaje zakanadaŭstva zrabili partyjam značnyja pasłableńni ŭ płanie vyłučeńnia kandydataŭ», — skazała jana.
Jarmošyna taksama zaznačyła, što dastojnyja kandydaty ad apazicyi zmohuć uvajści ŭ skład vybarčych kamisij. «Ale ja nie dumaju, što ich budzie šmat. Niachaj apazicyja znojdzie dastatkovuju kolkaść kandydataŭ u deputaty, kab bolš‑mienš raŭnamierna być pradstaŭlenaj pa ŭsioj krainie, a nie tolki ŭ Minsku i Minskim rajonie.Kali vyłučać dastojnych ludziej, jakija zdolnyja ŭziać udzieł u vybarčaj kampanii, majuć vopyt u arhanizacyi vybaraŭ, — čamu nie? Prablema jašče i ŭ piersanalijach. Jany prychodziać u Centralnuju kamisiju i z paroha pačynajuć skandalić. Kamu chočacca z takimi niaŭžyŭčyvymi ludźmi pracavać u kalektyvie? Prablema ŭ maniery pavodzinaŭ, umieńni siabie pavodzić, ładzić ź ludźmi. Heta ŭsio maje istotnaje značeńnie pry farmiravańni vybarčych kamisij», — skazała jana.
0
0
0
0
0
0