Palitviaźnia, jaki adbyvaje termin na «chimii», aštrafavali za atrymańnie «zamiežnaj dapamohi» ad INeedHelpBY
U Oršy 1 lutaha adbyŭsia sud nad palitviaźniem Dzianisam Siarhiejevym pavodle č. 2 art. 24.15 KaAP (vykarystańnie zamiežnaj biazvypłatnaj dapamohi dla ažyćciaŭleńnia terarystyčnaj i inšaj ekstremisckaj dziejnaści).
Dzianisa zatrymlivali ŭ PUAT-36 23 studzienia padčas rejdu KDB za praduktovuju dapamohu ad inicyjatyvy INeedHelpBY.
Zhodna z pratakołam, palitviazień «atrymaŭ i vykarystaŭ zamiežnuju biazvypłatnuju dapamohu ŭ vyhladzie tavarna-materyjalnych kaštoŭnaściaŭ» na 244 rubli i 38 kapiejek, pieraličanych inicyjatyvaj INeedHelpBY u adras internet-kramy «Jeŭraopt».
Sudździa Julija Chatkievič pryznačyła Dzianisu štraf 1 000 rubloŭ (25 bazavych vieličyniaŭ) z kampiensacyjaj sumy «zamiežnych» apłat u Jedastaŭcy.
