U Jerevanie asudžany da siami hadoŭ turmy redaktar apazicyjnaj haziety «Ajkakan žamanak» Nikoła Pašynian.
Pašynian byŭ pryznany vinavatym u arhanizacyi masavych biesparadkaŭ u Jerevanie ŭ sakaviku 2008 hoda. Tady apazicyja na čale z eks‑prezidentam Lavonam Ter‑Pietrasianam pratestavała suprać aficyjnych vynikaŭ prezidenckich vybaraŭ 19 lutaha, pavodle jakich pieramohu atrymaŭ Sierž Sarhsian.
Paśla niejki čas Pašynian znachodziŭsia ŭ padpolli i dobraachvotna zdaŭsia pravaachoŭnym orhanam 1 lipienia 2009 hoda.
Siońnia ludzi, što sabralisia la budynka suda, vykazvali svaju niezadavolenaść rašeńniem.
Bok abarony nieadnarazova zajaŭlaŭ, što padčas sudovaha raźbiralnictva abvinavačvańnie tak i nie pryviało pierakanaŭčych dokazaŭ viny Pašyniana.
Paśla abviaščeńnia prysudu ŭ hutarcy z žurnalistami advakat Lusina Saakian skazała: «My nie čakali spraviadlivaha rašeńnia ad sudoŭ Armienii,
ale toje, što jaho prysudzili da 7 hadoŭ, tady jak bok abvinavačvańnia patrabavaŭ tolki 6 hadoŭ,
heta ja mahu nie inakš jak amaralnym rašeńniem».
Paśla vybaraŭ u 2008 hodzie prychilniki Lavona Ter‑Pietrasiana vyjšli na vulicy Jerevana sa zbrojaj u rukach. Doŭhija mitynhi skončylisia karotkimi bajami, u jakich zahinuli 10 čałaviek.
