Karaleŭskaja pamiežnaja palicyja Niderlandaŭ aryštavała kala 30 nielehałaŭ ź Biełarusi, Ukrainy i Kyrhyzstanu, jakija jechali na turystyčnym aŭtobusie z Neapalu ŭ Amsterdam. U časie pamiežnaha kantrolu vyśvietliłasia, što jany nia majuć dakumentaŭ, nieabchodnych, kab znachodzicca ŭ EZ.
Ciapier nielehałami zajmajecca Słužba imihracyi i naturalizacyi. Pavodle pradstaŭnikoŭ niderlandzkich pamiežnych uładaŭ, nielehałaŭ mohuć čakać «žudasnyja nastupstvy». Jak pakazali na dopycie niekatoryja biełaruskija hramadzianie, bolšaść ź ich ciaham niekalkich hadoŭ niezakonna žyli i pracavali ŭ Italii. U ciapierašnija kaladnyja vakacyi ŭschodnija nielehalnyja rabočyja vyrašyli skarystać tanny aŭtobusny tur Neapal — Paryž — Amsterdam. Pavodle ichnych słoŭ, nichto nie čakaŭ pilnaha pamiežnaha kantrolu ŭ pieršyja dni novaha hodu.
