Uefa.com
Ministerstva infarmacyi dazvoliła biełaruskim telekanałam pakazvać čempijanat Jeŭropy pa futbole 2024 hoda biez zhody UEFA.
Pastanovaj № 6 ad 19 krasavika Mininfarm unios UEFA i hety čempijanat u pieralik pravaŭładalnikaŭ ź niedružalubnych krain. Dakumient siońnia aficyjna apublikavany na Nacyjanalnym pravavym internet-partale i ŭstupaje ŭ siłu paśla apublikavańnia.
U minułym hodzie ŭ Biełarusi byŭ pryniaty zakon, jaki dazvalaje vykarystoŭvać abjekty intelektualnaj ułasnaści, u pryvatnaści pieradačy arhanizacyj viaščańnia, biez zhody pravaŭładalnika, kali jon adbyvajecca z tak zvanych niedružalubnych krain. Taki pravaŭładalnik pavinien być uklučany ŭ adpaviedny pieralik, pravam vyznačać jaki ŭrad nadzialiła Ministerstva infarmacyi, nahadvaje Reform.news.
U lutym hetaha hoda Mininfarm upieršyniu zaćvierdziŭ taki pieralik. U jaho była ŭklučana FIFA i čempijanat śvietu pa plažnym futbole. Spabornictvy prajšli 15-25 lutaha ŭ AAE.
Finalnaja stadyja čempijanatu Jeŭropy pa futbole 2024 hoda projdzie z 14 červienia pa 14 lipienia ŭ Hiermanii. U joj voźmuć udzieł 24 zbornyja. Zbornaja Biełarusi nikoli nie prabivałasia ŭ čempijanaty śvietu i Jeŭropy.
Čytajcie taksama:
Jašče ŭ adnym top-čempijanacie pamierła intryha
Turkmienski futbolny kłub pabiŭ rekord Knihi Hinesa, ale taja čamuści hetaha nie pryznaje
Žonka najlepšaha futbalista śvietu — 2007 raźviałasia ź im, bo jon byŭ zanadta idealny
