Zdymak byŭ zrobleny niekalki dzion tamu mamaj Šarłoty, pryncesaj Uelskaj Ketryn, i apublikavany ŭ sacsietcy X.
Fota: Kiensinhonski pałac
«Ź dziaviatym dniom naradžeńnia, pryncesa Šarłota! Dziakuj za ŭsie dobryja paviedamleńni siońnia», — havorycca ŭ dopisie ŭ akaŭncie prynca i pryncesy Uelskich.
Anałahičnaja fatahrafija prynca Łui, apublikavanaja na minułym tydni ŭ honar jaho šaścihodździa, taksama była zroblena Ketryn.
U kancy sakavika stała viadoma, što pryncesa Uelskaja lečycca ad raku i prachodzić rannija stadyi kursu prafiłaktyčnaj chimijaterapii.
Niezadoŭha da hetaha Kiejt vybačyłasia za «nieparazumieńnie», jakoje vyklikała jaje fatahrafija ź dziećmi.
Tady viadučyja infarmahienctvy śvietu adklikali fota, vyjaviŭšy ŭ im prykmiety ličbavaj manipulacyi.
Pryncesu Šarłotu, jakaja źjaŭlajecca treciaj u čarzie na tron, apošni raz bačyli na publicy na Kalady, kali jaje siamja naviedała carkoŭnuju słužbu ŭ Sandrynhiemie.
