U noč na 23 žniŭnia ŭ Bieraści zahinuŭ litoŭski dyplamat, aficer biaśpieki Litvy, daradca ministra zamiežnych spraŭ Vitaŭtas Pačunas.
Cieła dyplamata znajšli kala bieraściejskaj haścinicy, dzie jon spyniŭsia padčas rabočaha vizytu ŭ Biełaruś. Miarkujecca, što Pačunas vypaŭ z vakna hatelu — paviedamlaje ahienctva Rehnum.
Ad kamentaroŭ u litoŭskaj ambasadzie admaŭlajucca, zajaŭlajučy, što čakajuć vynikaŭ śledztva.
Heta nia pieršy śmiarotny vypadak z supracoŭnikami zamiežnych ambasadaŭ u Biełarusi. Uviesnu pamior konsuł u Horadni Ryšard Badoń-Lechr. Jaho znajšli ŭ jahonaj haradzienskaj kvatery biez prytomnaści i, pa patrabavańni svajakoŭ, pieraviali ŭ Biełastok, dzie dyplamatu zrabili aperacyju. 6 krasavika konsuł pamior.