U sudzie Savieckaha rajona Minska 2 lutaha pačaŭsia praces pa spravie dyrektara PUP «Kłas‑Kłub DK» Hienadzia Šulmana.
Jon abvinavačvajecca va ŭčynieńni złačynstvaŭ, praduhledžanych č. 2 art. 339 (złosnaje chulihanstva), č. 4 art. 209 (machlarstva ŭ asabliva bujnym pamiery) i č. 2 art. 216 (pryčynieńnie majomasnaj škody ŭ bujnym pamiery biez prykmiet kradziažu) Kryminalnaha kodeksa. Paciarpiełymi pa hetaj spravie prachodziać 11 čałaviek. Staršynstvuje ŭ sudzie sudździa Ina Łaŭkova, dziaržaŭny abvinavaŭca — namieśnik prakurora Savieckaha rajona Rusłan Miniec, advakat — Alena Puhačova.
Pieršaje sudovaje pasiadžeńnie doŭžyłasia nie bolš za 20 chvilin.
Pa chadajnictvie abvinavačvanaha i abarony pryniata rašeńnie abjadnać u adnu vytvorčaść hetuju kryminalnuju spravu i kryminalnuju spravu pa abvinavačańni Hienadzia Šulmana pa č. 4 art. 209 KK, jakaja pastupiła ŭ sud 29 studzienia 2010 hoda.
49‑hadovy Šulman znachodzicca pad vartaj z 5 kastryčnika 2009 hoda. Raniej jon sudzimy nie byŭ. Dyrektaram kampanii źjaŭlajecca z 1992 hoda. Uradženiec Minska.
Nastupnaje sudovaje pasiadžeńnie pryznačana na 11 lutaha.
