U Biełarusi abmiežavańnie dostupu hramadzian na peŭnyja interniet‑resursy budzie ažyćciaŭlacca pravajderami tolki pavodle zajaŭ samich karystalnikaŭ.
Mikałaj Pancialej, fota Jeŭraradyjo
Pra heta 5 lutaha na pres‑kanfierencyi ŭ Minsku paviedamiŭ ministr suviazi i infarmatyzacyi Mikałaj Pancialej, kamientujučy novaŭviadzieńni, praduhledžanyja ŭkazam prezidenta № 60 «Ab mierach pa ŭdaskanalvańni vykarystańnia nacyjanalnaha siehmienta sietki Interniet».
«Heta značyć kožny karystalnik maje prava źviarnucca da svajho apieratara dostupu i paprasić abmiežavać dostup da tych ci inšych sajtaŭ.
Heta budzie vyrašacca techničnymi srodkami kožnym kankretnym apierataram», — padkreśliŭ ministr. Pavodle jaho słoŭ, takim mietadam moža być realizavana funkcyja kantrolu z boku baćkoŭ za dziećmi.
«Heta značyć, što kankretny hramadzianin źviartajecca da svajho interniet‑pravajdera i prosić, kab apieratar pryniaŭ miery da taho, kab ź jaho piersanalnaha kampjutera było niemahčyma trapić na niekatoryja kankretnyja sajty. Heta nie aznačaje niejkich zboraŭ podpisaŭ hramadzianami i inšych hramadskich dziejańniaŭ — usio indyvidualna», — rastłumačyŭ Mikałaj Pancialej.
Razam z tym, pavodle jaho słoŭ, praduhledžana ŭviadzieńnie abmiežavańniaŭ dostupu da interniet‑resursaŭ u adnosinach da dziaržaŭnych orhanaŭ i arhanizacyj. »U hetym vypadku rašeńni buduć prymacca orhanami dziaržkiravańnia —
u čym kankretna abmiažoŭvać rabotnikaŭ dziaržaŭnych orhanaŭ i arhanizacyj, jakija ŭ pracoŭny čas pavinny zajmacca svaimi słužbovymi abaviazkami i jakim, napeŭna, nie treba ŭ pracoŭny čas źviartacca da peŭnych infarmacyjnych resursaŭ», — skazaŭ ministr.
Mikałaj Pancialej taksama paviedamiŭ, što ŭ adpaviednaści z ukazam karystalniki interniet‑pasłuh u kalektyŭnych punktach dostupu buduć pakazvać pašpart dla identyfikacyi.
«Jak ja razumieju, karystalnikam interniet‑pasłuh u interniet‑kłubach daviadziecca pakazvać dakumient, jaki śviedčyć asobu,tamu što ŭkaz praduhledžvaje dla interniet‑kłubaŭ identyfikacyju nie abanienckaj pryłady, a piersanalii», — skazaŭ kiraŭnik Minsuviazi.
