Delehacyja dziełavych kołaŭ Biełarusi naviedaje ź vizitam Banhładeš 21‑26 sakavika, paviedamili ŭ Biełaruskaj handlova‑pramysłovaj pałacie (BiełHPP).
Heta budzie pieršy ŭ historyi ŭzajemaadnosin dźviuch krain dziełavy vizit biełaruskaj delehacyi ŭ Banhładeš. Jaho meta — naroščvańnie abjomaŭ biełaruskaha ekspartu na novyja rynki, pošuk novych dziełavych partnioraŭ siarod banhładešskich biźniesmienaŭ, naviedvańnie šeraha pradpryjemstvaŭ. U chodzie vizitu buduć abmiarkoŭvacca roznyja varyjanty ŭzajemavyhadnaha supracoŭnictva, mahčymaść stvareńnia SP.
Jak adznačyli śpiecyjalisty, aktyŭnaje supracoŭnictva pamiž BiełHPP i Fiederacyjaj handlova‑pramysłovych pałat Banhładeš pačałosia ŭ 2006 hodzie, paśla taho, jak baki padpisali pahadnieńnie ab supracoŭnictvie. Razam z tym da hetaha času nie adbyłosia nivodnaha pramoha vizitu biźniesmienaŭ.
Vizit arhanizujuć BiełHPP i Fiederacyja handlova‑pramysłovych pałat Banhładeš pry padtrymcy MZS Biełarusi, paviedamlaje BIEŁTA
Varta zaznačyć, što Banhładeš — adna z najbiadniejšych i samych hustanasielenych krain śvietu. Tak, pa VUP na dušu nasielnictva kraina zajmaje 196‑ie miesca ŭ śviecie (pavodle parytetu pakupnickaj zdolnaści).
