Televizija i specsłužby, zdajecca, rychtujuć čarhovuju pravakacyju suprać Kamitetu abarony represavanych. Na elektronnuju poštu Kamitetu pastupiŭ list, u jakim viadziecca havorka pra toje, što BT rychtuje siužet pra toje, što luby čałaviek z boku moža atrymać dapamohu jak achviara palityčnych represij. Pavodle infarmacyi, hałoŭnym «hierojem» siužetu budzie Siarhiej Pieciukievič.
Siarhiej Pieciukievič sapraŭdy źviartaŭsia pa dapamohu ŭ Kamitet, raskazaŭšy pra toje, što jon byŭ aktyvistam apazycyi i padaŭ źviestki pra represii suprać jaho dy skazaŭ, što nia moža praciahvać vučobu ŭ Biełarusi praz svaju palityčnuju dziejnaść.
«Siarhiej Pieciukievič ci druhi represavany, my starajemsia dapamahać usim represavanym, my imkniemsia dapamahčy ŭsim represavanym. Naturalna, my praviarajem. Kaniečnie, my praviarajem ŭsiu infarmacyju. Na žal, sam Pieciukievič ničoha nie prajaśniŭ na hety kont, tak jak jaho telefon spačatku nie adkazvaŭ, a ciapier naohuł nie dasiažny. My spadziajemsia, što ničoha strašnaha nia zdaryłasia, i siabry, što rekamendavali jaho kamitetu, dapamohuć nia stać achviaraj brudnych intryhaŭ», - zajaviła pres-centru Chartyi'97 kiraŭnik Kamitetu abarony represavanych Ina Kulej.
