Zajaviŭ na pres‑kanfierencyi 10 lutaha pieršy namieśnik ministra žyllova‑kamunalnaj haspadarki Biełarusi Hienadź Lapunoŭ.
«Na siońnia pytańnie ab pavieličeńni taryfaŭ na pasłuhi ŽKH nami aktyŭna prapracoŭvajecca. Pavyšeńnie taryfaŭ budzie razhladacca pry źniešnich umovach, heta značyć pry pavieličeńni koštu enierharesursaŭ, materyjalnych zatrat», — skazaŭ Lapunoŭ.
Kančatkovaje rašeńnie ab pavyšeńni taryfaŭ budzie prymacca ŭradam pry ŭzhadnieńni z prezidentam, zaznačyŭ namieśnik ministra.
Razam z tym Lapunoŭ paviedamiŭ, što kvartpłata za studzień uzrasła na 6—20 tys. rubloŭ u zaležnaści ad płoščy kvatery. Heta źviazana z maroznym nadvorjem u studzieni,
kali siaredniaja tempieratura była minus 11,4°S, što paciahnuła vialiki raschod ciepłavoj enierhii.
Lapunoŭ zaznačyŭ, što nasielnictvam papaŭniajucca 30% zatrat na akazańnie žyllova‑kamunalnych pasłuh. ŽKH finansujecca z troch krynic: apłata nasielnictva, biudžet i ŭłasnyja srodki pradpryjemstvaŭ. Razam z tym, pavodle słoŭ Lapunova, u 2009 hodzie na 4,4%, abo 90 młrd. rubloŭ, udałosia źnizić zatraty arhanizacyj ŽKH. «Na hetuju sumu, adpaviedna, byli źnižany biudžetnyja zatraty i zatraty ź inšych krynic», — zaznačyŭ pieršy namieśnik ministra.
