Impravizavanyja kviaciarni «DorOrsa» na vakzale źbili ceny na ružy da 1500 za štuku.
Nie tak daŭno na biełaruski rynak kvietak vyjšła dziaržaŭnaje pradpryjemstva «DorOrs», zasnavalnikam jakoha źjaŭlajecca dziaržava ŭ asobie abjadnańnia «Biełaruskaja čyhunka».
Jaho ciapličnaja haspadarka prapanoŭvaje ružy pa vielmi nizkich cenach i ŭ davoli šyrokim asartymiencie. Pracujuć dziaržaŭnyja ciaplicy ŭ vioscy Zamastočča na Minščynie ŭžo nie pieršy hod, ale masavaja realizacyja pačałasia mienavita sioleta.
Prapahanda mietadam schavanaj kamiery
U studzieni na čyhunačnym vakzale ŭ Minsku źjaviŭsia šerah kropak, dzie ružy možna nabyć pa cenach ažno ad 1390 rubloŭ. Zrazumieła, što mizernyja ceny sparadzili i šalony popyt z boku pakupnikoŭ. Popyt hety dadatkova padahreła i dziaržaŭnaja presa.
Na minułym tydni źjaviłasia infarmacyja, što ceny na hałandskija ružy, jakimi zvyčajna handlujuć biełaruskija pradprymalniki, pierad 14 lutaha i 8 sakavika padskočać na 6–8 tysiač.
Kab pravieryć hetuju infarmacyju, my źviarnulisia da handlarak u kijoskach kala Instytuta kultury — adnu z najbujniejšych handlovych kropak z kvietkami ŭ Minsku. Tam, kali daviedalisia, što my pradstaŭniki presy, adrazu ž začynili pierad našym nosam dźviery. Jak akazałasia, niekalki dzion tamu siudy pryjazdžała zdymačnaja hrupa ź dziaržaŭnaha kanała STV. Zdymki jany viali z dapamohaj schavanaj kamiery.
«Paśla my paśla bačyli hety siužet pa telebačańni — jany ŭsio pierakrucili
«Šurujcie da «dororsaŭcaŭ!»
I ŭsio ž kijoski z kvietkami kala Instytuta kultury pakutujuć praź nieraŭnaznačnuju kankurencyju nie tak, jak handlary niepasredna na samim vakzale, dzie na adno ich miesca prychodzicca niekalki punktaŭ z tannymi biełaruskimi ružami.
«Dororsaŭcy» zadavolena pacirajuć ruki — ich kvietki ludzi skuplajuć abiaremkami. Choć vybirać kvietki sabie da hustu dziaržaŭnyja handlary nie dazvalajuć — jany vybirajuć ružy pakupnikam sami.
Varta adznačyć, što kvietki z Zamastočča niebłahija, kali ich nabyvać niepasredna ŭ samoj ciapličnaj haspadarcy, ale tyja, što pryvoziacca ŭ horad navałam, nie najlepšyja.
«Našy kvietki, u adroźnieńnie ad kvietak «DorOrs», pieravoziacca i zachoŭvajucca ŭ admysłovych umovach. Chto žadaje nasamreč jakasny tavar, usio adno idzie da nas, — kaža
Pryvatnyja handlary pakul nie dałučajucca da handlu ružami z Zamastočča — nie padabajecca asartymient. Tym nie mienš, pośpiech dziaržaŭnych kankurentaŭ im jaŭna mulaje vočy i bje pa kašalku.
