Na žnivieńskim Sojmie Partyi BNF, jaki adbyŭsia 26 žniŭnia, hałoŭnym pytańniem paradku dnia źjaŭlałasia kaalicyjnaje budaŭnictva. Usie siabry Sojmu adznačyli, što siońnia kaalicyja pieražyvaje arhanizacyjny kryzis, i nieabchodnyja prapanovy pa jaje restrukturyzacyi.
Namieśnik staršyni Partyi BNF Viktar Ivaškievič prapanavaŭ schiemu arhanizacyjnaha pieraadoleńnia kryzisu z vykarystańniem miascovych vybaraŭ.
Sutnaść prapanovy: usie partyi, jakija ŭvachodziać u kaalicyju, vyłučajuć kandydataŭ na miascovyja vybary šlacham zboru podpisaŭ. Tyja kandydaty, jakija źbiaruć 500 i bolej podpisaŭ, niezaležna ad rehistracyi ich ci nierehistracyi na vybarach i vynikaŭ samich vybaraŭ, paśla vybaraŭ aŭtamatyčna stanoviacca delehatami Kanhresu ADS, jaki prymaje dalejšyja rašeńni. Takaja prapanova pavinna stymulavać aktyŭnaść i kankurentnaść pamiž partyjami, prymusić ich bolš efektyŭna pracavać.
"Naturalna, - adznačaje Viktar Ivaškievič, tut niama stoadsotkavaj harantyi, što, kali my prymiem hetuju prapanovu, u kaalicyi budzie kiravać Partyja BNF. Usio zaležyć ad pracy ludziej kožnaj asobna ŭziataj partyi. Tyja, chto niezadavoleny svaim miescam u kaalicyi, majuć šaniec zaniać lepšaje miesca. Viadoma, jość pahroza, što małyja partyi nia zdolejuć vyłučyć pa 500 kandydataŭ. Ale znoŭ ža ŭsio zaležyć ad ich nastojlivaści j aktyŭnaści".
Padčas abmierkavańnia prapanovy Viktara Ivaškieviča na Sojmie hałasy padzialilisia na tych, chto ličyć takuju prapanovu niebiaśpiečnaj dla pazycyi Partyi BNF i Alaksandra Milinkieviča ŭ kaalicyi, i tych, chto pierakanany, što Partyja BNF maje ŭsie šancy stać viadučaj siłaj u kaalicyi i padniać rejtynh adzinaha kandydata. Było pryniata rašeńnie stvaryć kamisiju ź siabraŭ Sojmu, jakija prytrymlivajucca roznych dumak pa hetym pytańni. Kamisija budzie šukać kampramisnyja šlachi ažyćciaŭleńnia prapanovy Viktara Ivaškieviča, jakaja, darečy, užo pieradadzienaja dla abmierkavańnia PKB, AHP, partyi Pracy, BSDP "Hramada" i inšym subjektam kaalicyi.
Na 30 žniŭnia pryznačanaja Palityčnaja Rada, na jakoj praciahniecca abmierkavańnie schiema Viktara Ivaškieviča vychadu z arhanizacyjnaha kryzisu kaalicyi z vykarystańniem miascovych vybaraŭ.
