Dzieci, jakija va ŭłońni maci rehularna čujuć dźvie movy, majuć bolej šancaŭ stać bilinhvami.
Hetak miarkujuć navukoŭcy z univiersiteta Brytanskaj Kałumbii, što ŭ Vankuvery, i ich kalehi z Francyi.
Kali niemaŭlatak štoś cikavić, tyja biarucca žvaviej smaktać. Dyk vo navukoŭcy raździalili maleč na dźvie hrupy — chto čuŭ adnu movu i chto dźvie. Tady dali pasłuchać havorku na dźviuch movach i ad roznych ludziej.
Dzietki ź pieršaj hrupy reahavali tolki na adnu movu, a z druhoj — na abiedźvie.
Dalej dzietkam z druhoj hrupy havaryli na adnoj movie, pakul im nie nadakučvała, potym pierachodzili na inšuju movu abo źmianiali čałavieka, jaki havaryŭ. Dyk voś małyja reahavali na źmienu moŭ i nie zvažali, kali na toj samaj movie praciahvaŭ havaryć inšy čałaviek.
Z hetaha navukoŭcy vysnavali, što dzieci ŭžo va ŭłońni maci mohuć adroźnivać movy. Viadoma, kali ź imi na tych movach razmaŭlać.
