Apošnimi ŭładalnikami alimpijskich miedaloŭ stali narviežac Pieter Nurtuh i chakiejnaja zbornaja Kanady.
U niadzielu na Alimpijadzie ŭ Vankuviery prajšoŭ łyžny marafon na 50 km. Alimpijskim čempijonam staŭ narviežac Pieter Nurtuh, jaki ŭ bliskučym styli na apošnich mietrach vyrvaŭ pieramohu ŭ niemca Aksiela Tajchmana. Biełarus Siarhiej Dalidovič finišavaŭ 25-m.
Apošnija ŭznaharody byli razyhranyja ŭ finale chakiejnaha turniru, dzie Kanada pieramahła ZŠA ź likam 3:2. Pieramožnuju šajbu ŭ oviertajmie zakinuŭ Sidni Krośbi.
Naša kraina na XXI zimovych Alimpijskich hulniach ŭ Vankuviery padzialiła 17-y radok razam sa Słavakijaj. U hetych krain pa adnym załatym, siarebranym i bronzavym miedali.
Alimpijskim čempijonam u łyžnaj akrabatycy staŭ Alaksiej Hryšyn, srebra ŭ indyvidualnaj honcy na 20 km zavajavaŭ bijatłanist Siarhiej Novikaŭ, bronzu – u honcy na 15 km bijatłanistka Darja Domračava.
Heta najlepšy vynik biełarusaŭ za časami vystupleńnia samastojnaj kamandaj. Alimpijskich čempijonaŭ dahetul u nas nie było, i naohuł najlepšym vynikam byli dźvie ŭznaharody: u Lilechamiery-1994 – dva srebry, u Nahana-1998 – dźvie bronzy.
Na Alimpijadzie ŭ Sołt-Lejk-Sici ŭ 2002 h. u biełarusaŭ była adna bronza, u Turynie–2006 – srebra.
Miedalny zalik (załatyja, srebranyja, bronzavyja, u dužkach — usiaho):
Kanada stała absalutnym čempijonam pa kolkaści zavajavanaha zołata (14 uznaharod).
Raniejšy rekord naležaŭ SSSR — 13 miedaloŭ (1976, Insbruk), jaki paŭtaryli narviežcy (2002, Sołt-Lejk-Sici).
ZŠA sabrali rekordnuju kolkaść usich miedaloŭ - 37.
1. Kanada — 14, 7, 5 (26)
2. Hiermanija — 10, 13, 7 (30)
3. ZŠA — 9, 15, 13 (37)
4. Narviehija — 9, 8, 6 (23)
5. Paŭdniovaja Kareja — 6, 6, 2 (14)
6. Šviejcaryja — 6, 0, 3 (9)
7. Kitaj — 5, 2, 4 (11)
8. Šviecyja — 5, 2, 4 (11)
9. Aŭstryja — 4, 6, 6 (16)
10. Niderłandy — 4, 1, 3 (8)
11. Rasija — 3, 5, 7 (15)
12. Francyja — 2, 3, 6 (11)
13. Aŭstralija — 2, 1, 0 (3)
14. Čechija — 2, 0, 4 (6)
15. Polšča — 1, 3, 2 (6)
16. Italija — 1, 1, 3 (5)
17. BIEŁARUŚ — 1, 1, 1 (3)
17. Słavakija — 1, 1, 1 (3)
19. Vialikabrytanija — 1, 0, 0 (1)
20. Japonija — 0, 3, 2 (5)
21. Słavienija — 0, 2, 1 (3)
21. Charvatyja — 0, 2, 1 (3)
23. Łatvija — 0, 2, 0 (2)
24. Finlandyja — 0, 1, 4 (5)
25.Kazachstan — 0, 1, 0 (1)
25. Estonija — 0, 1, 0 (1).
* * *
Kali ž ličyć pa ahulnaj kolkaści ŭznaharod, to Biełaruś i Słavakija zajmajuć 19 i 20-je miescy. U Aŭstralii – taksama try ŭznaharody, ale dva załatyja miedali.
A naohuł ŭznaharody zavajavali pradstaŭniki 26 krain.
