Tam źbirajucca vyrašać prablemu apieki nad dziećmi pa vopycie ZŠA i Francyi. Absalutnaja bolšaść dziaciej maje bavić adnolkavy čas z tatam i z mamaju.
Prapanova kamisii revalucyjnaja: paśla razvodu prava apiekavacca dziciem zaŭsiody musiać zachoŭvać aboje baćkoŭ, paroŭnu padzialiŭšy abaviazki.
Kamisija śćviardžaje, što heta daść šaniec baćku i paśla razvodu brać aktyŭny ŭdzieł u vychavańni dziciaci. Ciapier situacyja takaja, što prava apiekavacca dziciem dajecca najčaściej tolki adnamu z baćkoŭ, u toj čas jak druhomu dazvolenyja tolki karotkija naviedvańni ciaham niekalkich hadzinaŭ na tydzień, što kiepska ŭpłyvaje na stasunki ŭ siamji.
Čaściej za ŭsio dzicia paśla razvodu sudy addajuć maci (95% vypadkaŭ), što vyklikaje pratest baćkaŭ, jakija śćviardžajuć, što adbyvajecca dyskryminacyja ich pravoŭ.
Toje, što prapanuje Kamisija, užo šmat hadoŭ praktykujecca ŭ ZŠA i ŭvodzicca ŭ Hiermanii, Francyi i Italii.
Psichołahi i piedahohi, adnak, z aściarohaju staviacca da takoj prapanovy. Jany śćviardžajuć, što kožny vypadak musić razhladacca indyvidualna i što časam roŭnyja pravy apieki mohuć nie pajści na karyść.
Na minułym tydni parłamient pačaŭ razhlad dadzienaj prapanovy. Na najbližejšym pasiedžańni kamisii «Przyjazne Państwo» («Pryjaznaja dziaržava») jaje čalcy supolna z pradstaŭnikami arhanizacyjaŭ pa abaronie pravoŭ baćkaŭ buduć razhladać prajekt zakonu, paklikanaha źmianić situacyju.
