RUP «Vytvorčaje abjadnańnie «Biełarusnafta» ŭ 2010 hodzie pačnie zdabyču hazu ŭ Vieniesuele.
Zdabyča hazu budzie ažyćciaŭlacca na asnovie damoŭlenaściej, dasiahnutych na dziaržaŭnym uzroŭni, jakija praduhledžvajuć dalejšaje pašyreńnie supracoŭnictva pamiž abjadnańniem «Biełarusnafta» i vieniesuelskaj dziaržaŭnaj naftavaj kampanijaj PDVSA. Užo vyznačany šerah dziejučych radoviščaŭ dla sumiesnaha vyvučeńnia hieołaha‑hieafizičnaj i pramysłovaj infarmacyi i składańnia biźnies‑płanaŭ ich dalejšaj raspracoŭki. U biahučym hodzie hetyja hazavyja radoviščy buduć uklučany ŭ aktyŭ sumiesnaha pradpryjemstva «Pietralera BiełaVieniesałana».
Jak viadoma, SP «Pietralera BiełaVieniesałana» było stvorana ŭ śniežni 2007 hoda. Za hety čas jano zdabyła amal 1,5 młn. t nafty i bolš jak 450 młn. kub.m spadarožnaha hazu. Na bałansie pradpryjemstva znachodzicca piać radoviščaŭ, try ź jakich byli pieradadzieny ŭ aktyŭ u 2009 hodzie. Dziejučy ekspłuatacyjny fond składaje 175 śvidravin, u tym liku 4 fantannyja.
Hałoŭnyja zadačy SP na bližejšuju pierśpiektyvu — naroščvańnie abjomaŭ zdabyčy nafty za košt novych radoviščaŭ, a taksama realizacyja poŭnamaštabnaj prahramy hieołaha‑techničnych i arhanizacyjna‑techničnych mierapryjemstvaŭ z šyrokim ukaranieńniem biełaruskich technałohij. U pryvatnaści, zdabyča nafty budzie pavialičana da 1 młn. t u hod.
Vytvorčaje abjadnańnie «Biełarusnafta» stvorana ŭ 1966 hodzie, uvachodzić u skład kancerna «Biełnaftachim». Pradpryjemstva viadzie pošuk, raźviedku i raspracoŭku naftavych radoviščaŭ, bureńnie śvidravin, zdabyču nafty i spadarožnaha naftavaha hazu. Maje sietku aŭtazapravačnych stancyj, dola prodažu bienzinu praź jakija składaje na rynku Biełarusi amal 73 pracenty.
