Ekskluziŭny załaty miedal čempijona zimovaj Alimpijady 2010 dla fihurysta Jaŭhiena Pluščanki vyrabiła kampanija «Zołata Jakucii».Uručyć «Narodny miedal» fihurystu płanujecca 4-ha krasavika ŭ Sankt-Pieciarburhu, kab likvidavać, jak ličać u kampanii, «niespraviadlivyja i pieraduziatyja dziejańni sudździaŭ, što pazbavili Pluščanku zołata ŭ Vankuviery».
Miedal vyrableny na asnovie eskizaŭ dyzajnieraŭ kampanii «Zołata Jakucii» Piatra Fiodarava i Natalli Kandraćjevaj z Sankt-Pieciarburha. Jon važyć 516 h, jak i załatyja ŭznaharody Vankuviera, ale vyrableny, u adroźnieńnie ad sapraŭdnych alimpijskich miedaloŭ, z čystaha zołata 750-j proby.
Nahadajem, što na Alimpijskich hulniach ŭ Vankuviery Jaŭhien Pluščanka zaniaŭ druhoje miesca, sastupiŭšy amierykancu Evanu Łajsačeku. Rasijski fihuryst zajaviŭ bolš składanuju prahramu, adnak pry jaje vykanańni dapuściŭ niekalki pamyłak i ŭ vyniku sastupiŭ amierykanskamu fihurystu.
0
0
0
0
0
0
