Techničny rehłamient Respubliki Biełaruś «Małako i małočnaja pradukcyja. Biaśpieka» (TR 2010/018/BY) zaćvierdžany pastanovaj Savieta ministraŭ №431 ad 25 sakavika 2010 hoda, paviedamiła pres‑słužba ŭrada. Dakumient pačnie dziejničać 1 studzienia 2011 hoda.
Techrehłamientam ustanaŭlivajucca patrabavańni da biaśpieki małaka i małočnaj pradukcyi, pracesaŭ ich vytvorčaści, zachoŭvańnia, pieravozki, realizacyi ŭ metach abarony žyćcia, zdaroŭja i spadčynnaści čałavieka, a taksama papiaredžańnia dziejańniaŭ, što ŭvodziać u zman spažyŭcoŭ adnosna pryznačeńnia małaka i małočnaj pradukcyi, ich jakaści ci biaśpieki.
Dakumient raspaŭsiudžvajecca na małako i małočnuju pradukcyju, što vypuskajucca ŭ abarot u Biełarusi, uklučajučy syroje małako i pradukty jaho pierapracoŭki.
Da ich adnosiacca syroje abiastłuščanaje małako i syryja viarški, małočnyja pradukty, małočnyja sastaŭnyja pradukty, pradukty z utrymańniem małaka, pradukty dziciačaha charčavańnia na małočnaj asnovie, pabočnyja pradukty pierapracoŭki małaka. Aprača taho, techničny rehłamient raspaŭsiudžvajecca na funkcyjanalna nieabchodnyja kampanienty, što vykarystoŭvajucca pry vytvorčaści praduktaŭ pierapracoŭki małaka.
Pry hetym techrehłamient nie raspaŭsiudžvajecca na małako i małočnuju pradukcyju, atrymanyja ŭ pracesie niepramysłovaj vytvorčaści, u tym liku pryznačanyja dla damašniaha vykarystańnia, a taksama na materyjały, što kantaktujuć z charčovymi praduktami, patrabavańni da biaśpieki jakich ustanaŭlivajecca adpaviednym techničnym rehłamientam.
Novy dakumient taksama ŭstanaŭlivaje ahulnyja patrabavańni da ŭpakoŭki i markiroŭki małaka i małočnaj pradukcyi.
Pryznačanyja dla realizacyi małako i małočnaja pradukcyja pavinny być rasfasavany, upakavany ŭ taru i (abo) upakoŭku, jakija vyrableny ź biaśpiečnych materyjałaŭ, dazvolenych Ministerstvam achovy zdaroŭja dla kantaktu z charčovymi praduktami. Usio heta pavinna zabiaśpiečvać biaśpieku i jakaść małaka i praduktaŭ jaho pierapracoŭki na praciahu terminu ich prydatnaści. Pradukty dziciačaha charčavańnia na małočnaj asnovie, u tym liku na ziernieva‑małočnaj asnovie, pavinny vypuskacca tolki rasfasavanymi i ŭpakavanymi ŭ hiermietyčnuju ŭpakoŭku. Infarmacyja dla spažyŭca nanosicca na kožnuju adzinku hrupavoj upakoŭki małaka, małočnaj pradukcyi.
U adpaviednaści z pastanovaj Saŭmina Minsielhascharču nieabchodna raspracavać i zaćvierdzić płan mierapryjemstvaŭ pa ŭviadzieńni ŭ dziejańnie techničnaha rehłamientu. Dziaržstandartu i Ministerstvu achovy zdaroŭja treba budzie zaćvierdzić pieralik uzajemaźviazanych z techničnym rehłamientam techničnych narmatyŭnych pravavych aktaŭ i zabiaśpiečyć u dalejšym jaho pastajannuju aktualizacyju. Respublikanskim orhanam dziaržkiravańnia da 1 studzienia 2011 hoda nieabchodna zabiaśpiečyć pryviadzieńnie svaich techničnych narmatyŭnych pravavych aktaŭ u adpaviednaść z pastanovaj.
