U sieradu na kvatery adnaho ź lideraŭ mienskaj supołki niezarehistravanaj arhanizacyi "Małady Front" Źmitra Chviedaruka, adbyŭsia pieratrus. Jak paviedamiŭ sam Źmicier, supracoŭniki KDB i milicyi, vykarystoŭvajučy ŭsie mahčymyja srodki, zdoleli trapić u kvateru.
Sam Źmicier paźbieh aryštu tamu, što zdoleŭ źbiehčy praz vakno – kvatera mieścicca na pieršym paviersie.
Palitviazień Pavał Sieviaryniec atrymaŭ pozvu ŭ prakuraturu na dopyt u jakaści śviedki pa kryminalnych spravach, zaviedzienych u dačynieńni lideraŭ MF Źmitra Daškieviča, Barysa Hareckaha, Aleha Korbana j Siaržuka Lisičonka.
Pavał, nahadajem, adbyvaje dva hady "chimii" ŭ Małym Sitnie (Połacki r-n) za arhanizacyju 18-19 kastryčnika 2004 h. akcyjaŭ pratestu na vyniki parłamenckich vybaraŭ i referendumu.
