U Stolinskim rajonie miascovaja žycharka, abaraniajučysia, śmiarotna paraniła muža, jaki źbivaŭ jaje.
Jak paviedamili ŭ prakuratury rajona, 2 krasavika ŭ dačynieńni da hetaj žančyny raspačata sprava pa art. 143 Kryminalnaha kodeksa (zabojstva pry pieravyšeńni miežaŭ nieabchodnaj abarony).
Pavodle śledstva, viečaram 1 krasavika ŭ vioscy Ladziec u svaim domie z pranikalnym nažavym ranieńniem brušyny byŭ znojdzieny 33‑hadovy rabočy adnaho ź miascovych sielhaspradpryjemstvaŭ. Padčas akazańnia miedycynskaj dapamohi jon pamior. Ustanoŭlena, što cialesnyja paškodžańni jamu naniesła žonka, 34‑hadovaja rabočaja hetaha ž sielhaspradpryjemstva.
Pavodle słoŭ žančyny, muž źbivaŭ jaje. Abaraniajučysia, jana schapiła kuchonny nož i ŭdaryła adzin raz mužu ŭ žyvot.
Jak adznačyli ŭ prakuratury, hetaja siamja nie stajała na ŭliku jak niepaśpiachovaja, adnak, pavodle słoŭ niekatorych svajakoŭ i blizkich znajomych, muž raniej źbivaŭ svaju žonku. U siamji vychoŭvajucca dvoje dziaciej — 10 i 14 hadoŭ.
U žančyny ałkaholu ŭ kryvi nie vyjaŭlena. Ci znachodziŭsia jaje muž u stanie ałkaholnaha apjanieńnia, ustanović sudova‑miedycynskaja ekśpiertyza. Pravodzicca rasśledavańnie.
