5—8 krasavika ź vizitam u Sajuzie Mjanma znachodzicca biełaruskaja delehacyja pad kiraŭnictvam pieršaha namieśnika staršyni Dziaržaŭnaha vajenna-pramysłovaha kamiteta Ramana Hałoŭčanki.
Jak paviedamiŭ pradstaŭnik Dziaržkamvajenprama pa infarmacyi i suviaziach z hramadskaściu Uładzimir Łaŭraniuk, u Najpjida adbyłosia druhoje pasiadžeńnie sumiesnaj biełaruska-mjanmskaj kamisii pa vajenna-techničnym supracoŭnictvie. Baki padviali vyniki vykanańnia damoŭlenaściej, dasiahnutych u Minsku ŭ červieni 2009 hoda, i abmierkavali pierśpiektyŭnyja prajekty supracoŭnictva, paradak i ŭmovy ich realizacyi ŭ metach padrychtoŭki da zaklučeńnia novych kantraktaŭ.
Pavodle słoŭ Łaŭraniuka, siońnia niemałavažnym u zabieśpiačeńni vysokaj kankurentazdolnaści pradukcyi biełaruskaj abaronnaj haliny źjaŭlajecca ŭsiebakovy ŭlik pažadańniaŭ zamoŭcy, indyvidualny padychod da kožnaha kantrakta.
«Mjanma — adna z tych krain, ź jakimi Biełaruś apošnimi hadami ŭstanaviła vajenna-techničnaje supracoŭnictva. I chacia dola valutnych pastupleńniaŭ ad ekspartnych kantraktaŭ z hetaj dziaržavaj pakul niaznačnaja, jość peŭnyja pierśpiektyvy raźvićcia supracoŭnictva ŭ vajenna-techničnaj śfiery», — skazaŭ pradstaŭnik Dziaržkamvajenprama.
