Dziaržaŭtainśpiekcyja Minska zaklikała žycharoŭ stalicy pry naviedvańni mohiłak na Radaŭnicu pa mahčymaści admovicca ad asabistaha transpartu i karystacca hramadskim. Pra heta havorycca ŭ paviedamleńni pres‑słužby ŭpraŭleńnia DAI Minska.
Jak zaznačajuć va UDAI, padčas masavaha naviedvańnia mohiłak 13 krasavika buduć arhanizavany dadatkovyja parkoŭki. Tak, u rajonie Uschodnich (Maskoŭskich) mohiłak budzie dazvolena stajanka transpartu na prajeznaj častcy praśpiekta Niezaležnaści z abodvuch bakoŭ u pieršaj pałasie pad vuhłom da bardziurnaha kamienia, na ŭčastku ad vulicy Kalinoŭskaha da źjezdu na MKAD.
U rajonie Čyžoŭskich mohiłak stajanka transpartu budzie arhanizavana na prajeznaj častcy źniešniaha i ŭnutranaha kolca MKAD u pieršaj pałasie pad vuhłom da abočyny na ŭčastku ad darohi na Novy Dvor da nadziemnaha piešachodnaha pierachodu, a taksama na prajeznaj častcy vulicy Ubareviča z abodvuch bakoŭ na ŭčastku ad vulicy Taškienckaja da vulicy Haładzieda.
Dziaržaŭtainśpiekcyja pierakanaŭča prosić vadzicielaŭ aŭtamabilaŭ pry ruchu ŭ rajonie zhadanych miescaŭ być jak maha bolš uvažlivymi i zahadzia źnižać chutkaść.
