Čaćviortyja sutki homielskija vadałazy šukajuć cieła rybaka, jaki patanuŭ u vielikodnuju noč u race Sož.
Dvoje mužčyn rybačyli ŭ Navabielickim rajonie Homiela na humavaj łodcy, chacia rybnaja łoŭla i spusk na vadu łodak zaraz zabaronieny z‑za nierastu.
Kala dźviuch hadzin nočy vyjaviłasia, što łodka prakołataja. Adzin z brakańjeraŭ, jaki nie ŭmieŭ płavać, kab nie patanuć, pavis na drevie, a jaho tavaryš adpraviŭsia pa dapamohu da žycharoŭ najbližejšych vulic.
Prykładna praz try hadziny rybak viarnuŭsia, ale siabra na drevie ŭžo nie było.
Hłybinia ŭ hetym miescy składaje kala dvuch mietraŭ.
Tolki nastupnym dniom vyžyŭšy rybak źviarnuŭsia ŭ tavarystva pa vyratavańni na vodach. Ratavalniki ahledzieli dreva, na jakim visieŭ jaho tavaryš, i znajšli zaściežku ad rybackaha kaściuma. Vadałazy abśledavali ŭčastak i 7 krasavika znajšli niedaloka ad dreva štany patanułaha rybaka. Pošuki cieła praciahvajucca.
Dniom 4 krasavika na race Dniapro ŭ Rahačoŭskim rajonie rybak pierakuliŭsia na łodcy. Jaho cieła taksama pakul nie znajšli, pošukavyja raboty mocna ŭskładniaje pavodka.