8 vieraśnia rada RHA «Biełaruski PEN-Centar» na svaim pasiedžańni pryniała dźvie zajavy nakont uniasieńnia źmienaŭ u «Praviły artahrafii i punktuacyi» i zajavu «Ab movie vykładańnia historyi Biełarusi i hieahrafii Biełarusi».
Ab uniasieńni źmienaŭ u «Praviły artahrafii i punktuacyi»
Vyklikaje ździŭleńnie i zaniepakojenaść infarmacyja dziaržaŭnych srodkaŭ masavaj infarmacyi ab chutkich źmienach u dziejnyja «Praviły artahrafii i punktuacyi».
Ažyćciaŭleńnie reformy faktyčna daručana asobam i viedamstvam, jakija paźbiahajuć karystańnia biełaruskaj movaj i majuć dačynieńnie da jaje vyciaśnieńnia z usich sferaŭ hramadzkaha žyćcia.
Pravapisnaja reforma ažyćciaŭlajecca biez naležnaj u takich vypadkach navukovaj ekspertyzy i dyskusii. Miž tym, u 1926 hodzie prablemie refarmavańnia biełaruskaj movy była pryśviečanaja mižnarodnaja kanferencyja z udziełam viadomych eŭrapiejskich movaznaŭcaŭ.
Ličym nieabchodnym sklikać mižnarodnuju kanferencyju z papiarednim šyrokim hramadzkim abmierkavańniem prajektu reformy pravapisu.
Ab movie vykładańnia historyi Biełarusi i hieahrafii Biełarusi
Z aficyjnych dakumentaŭ Ministerstva adukacyi stała viadoma, što z novaha navučalnaha hodu vykładańnie historyi Biełarusi i hieahrafii Biełarusi ŭ siarednich adukacyjnych škołach faktyčna pieravodzicca na rasiejskuju movu.
RHA «Biełaruski PEN-Centar» ličyć heta parušeńniem moŭnaha raŭnapraŭja i čarhovym krokam, skiravanym na vyciaśnieńnie biełaruskaj movy sa sfery adukacyi.
