Pravasłaŭnaje bractva Śv.Archistraciha Michaiła ŭ Miensku vydała knihu Hardzieja Ščahłova "1863-i – zabytyja staronki".
Jaje paŭsotni staronak pryśviečany pamiaci pravasłaŭnaha śviatara Daniiła Kanapasieviča, "niavinna zabitaha polskimi miaciežnikami". Mienavita tak – “polskimi miaciežnikami”, bo na praciahu ŭsioj knihi niama nivodnaj uzhadki pra paŭstancaŭ-biełarusaŭ, ani pra Kastusia Kalinoŭskaha.
Śviatar Bahuševickaj carkvy (Ihumienski paviet) D.Kanapasievič nie lubiŭ palakaŭ. Skončyłasia heta tym, što jon danios pra paŭstancki atrad uładam. Paŭstancy pakarali jaho za heta šybienicaj.
Pavodle aŭtara "Zabytych staronak", paŭstańnie, jakoje "mieła sens dla palakaŭ, pamieščykaŭ, ksiandzoŭ i naahuł dla karennaj Polščy", nia mieła nijakaha sensu dla "pravasłaŭnaha biełaruska-litoŭskaha nasielnictva zachodnich huberniaŭ" i abiarnułasia čarhovaj trahiedyjaj dla žycharoŭ našaha kraju, pryniosšy narodu niamała hora. Aŭtar knihi chvalić hrafa Muraŭjova, vilenskaha hienerał-hubernatara, enerhičnaha dušyciela paŭstańnia.
Relihijnaje, jak padadziena ŭ vychodnych źviestkach, vydańnie nadrukavanaje nakładam 2 000 asobnikaŭ pa błasłavieńni Mitrapalita Fiłareta. Jano raspaŭsiudžvajecca ŭ pravasłaŭnych cerkvach.
