U Nacyjanalnym aeraporcie Minsk praciahvajecca admiena rejsaŭ z‑za raspaŭsiudu nad Jeŭropaj vułkaničnaha pyłu ŭ vyniku vyviaržeńnia vułkana ŭ Isłandyi.
Mnohija zachodniejeŭrapiejskija aeraporty pa‑raniejšamu nie mohuć prymać i vypuskać samaloty. Z hetaj pryčyny ŭ Nacyjanalnym aeraporcie Minsk 20 krasavika admienienyja pryloty i vylety rejsaŭ LH‑3240/3241 Frankfurt — Minsk — Frankfurt avijakampanii «Lufthanza», LO‑705/706 Varšava — Minsk — Varšava avijakampanii «ŁOT», BT‑412/413 Ryha — Minsk — Ryha avijakampanii «Ejr Bałtyk».
Ciaham dnia mahčyma ŭniasieńnie i inšych źmienaŭ u hrafik palotaŭ samalotaŭ u Nacyjanalnym aeraporcie «Minsk». Pra ich možna daviedacca na aficyjnym sajcie aeraporta airport.by.
Apieratyŭnuju infarmacyju možna atrymać u daviedcy aeraportu pa telefonie 279‑13‑00, paviedamlaje BIEŁTA
Ranicaj byŭ admienieny rejs ź Minska ŭ Bierlin i pakul zatrymanyja rejsy na Paryž, zapłanavany na 08:20, i Miłan (08:30)
***
U «Biełavija» zajaŭlajuć, što pry admienie rejsaŭ, možna viarnuć hrošy za kvitok, a taksama pieranieści datu adloty na mahčymy svabodny dzień.
«Biełavija» taksama zaklikaje sačyć za rejsami onłajn na sajcie kampanii.
Siońnia ranicaj źjaviłasia infarmacyja, što mahčyma ŭ Jeŭropie adnoviacca rejsy, prykładam, z aeraporta Amsterdama ŭ Ńju‑Jork vylecieŭ samalot.
Ale novaje vobłaka vułkaničnaha pyłu, što pryjšło ź Isłandyi, pryviało da admieny rejsaŭ «Brytyš Ervejs»
