Za tydzień z 12 pa 19 krasavika 2010 hoda, pavodle źviestak analityčnaha centra realt.by, siaredniaja cana prapanovy kvadratnaha mietra kvater na druhasnym rynku žylla ŭ Minsku pamienšyłasia na 0,1% i skłała 1.429 dalaraŭ. Źnižeńnie cen nazirajecca na praciahu siami apošnich tydniaŭ.
Na 19 krasavika liderami pa vieličyni siarednich cen prapanovy kvater u Minsku źjaŭlajucca Centralny (1.698 dalaraŭ za kvadratny mietr) i Saviecki (1.548) rajony.
Samyja nizkija ceny ŭ Zavodskim (1.283) i Maskoŭskim (1.364) rajonach.
Za tydzień siaredniaja cana kvatery pavialičyłasia ŭ Leninskim (0,07%), Kastryčnickim (0,28%), Pieršamajskim (0,26%), Savieckim (0,13%) i Centralnym (0,65%) rajonach. U astatnich rajonach Minska ceny pamienšylisia ad 0,2 da 0,7%, bolš za ŭsio — u Zavodskim rajonie.
Siaredniaja cana prapanovy kvater na 19 krasavika skłała
(u dužkach — źmianieńnie za tydzień): 1‑pakajovych — 1.507 dalaraŭ/kv. m (źnižeńnie na 0,46%), 2‑pakajovych — 1.420 dalaraŭ/kv. m (źnižeńnie na 0,42%), 3‑pakajovych — 1.378 dalaraŭ/kv. m (pavieličeńnie na 0,36%), 4‑pakajovych — 1.369 dalaraŭ/kv. m (pavieličeńnie na 1,33%).
Lideram pa abjomie prapanovy druhasnaha žylla ŭ Minsku zastajecca Frunzienski rajon — 21%. Mienš za ŭsio prapanoŭ u Partyzanskim rajonie — 5%. Adnapakajovych kvater prapanoŭvałasia 29%, 2‑pakajovych — 35%, 3‑pakajovych — 28%, 4‑pakajovych — 8%.
Kvatery ŭ novabudoŭlach Minska prapanujucca pa kamiercyjnych cenach ad 700 da 3 tys. dalaraŭ za kvadratny mietr. Siaredniaja cana prapanovy dolevaha budaŭnictva kvater i novabudoŭlaŭ u Minsku za tydzień nie źmianiłasia i składaje 1.301 dalar/kv. m.
Dla paraŭnańnia: pavodle źviestak ukrainskaha partała nieruchomaści realt.ua, siaredniaja cana na druhasnym rynku Kijeva za tydzień pamienšyłasia na 1% i skłała 2.208 dalaraŭ/kv. m. Na pieršasnym rynku Kijeva siaredniaja cana kvater za hety pieryjad pavialičyłasia na 1,5% i składaje 1.742 dalary/kv. m.
Pavodle źviestak partała nieruchomaści irn.ru, siaredniaja cana na druhasnym rynku Maskvy za tydzień pavialičyłasia na 0,8% i składaje 4.354 dalary/kv. m (na 19 krasavika 2010 hoda).
