Ministerstva zamiežnych spraŭ Biełarusi nie atrymlivała jakich‑niebudź not ad Kyrhyzstana nakont vydačy źvierhnutaha prezidenta Kurmanbieka Bakijeva, jaki z 19 krasavika znachodzicca ŭ Minsku.
Pra heta paviedamiŭ žurnalistam pres‑sakratar MZS Biełarusi Andrej Savinych 22 krasavika na bryfinhu ŭ Minsku.
Pavodle jaho słoŭ, «lubyja zapyty na vydaču rehulujucca surjoznymi mižnarodnymi pahadnieńniami», nieabchodnaje vykanańnie peŭnych umoŭ, a taksama nieabchodna «rychtavać surjozny pakiet dakumientaŭ».
Adkazvajučy na pytańnie pra status, u jakim Bakijeŭ znachodzicca ŭ Minsku, Savinych padkreśliŭ,
što nadańnie statusu źjaŭlajecca «jurydyčnaj praceduraj i pra heta pakul rana havaryć».
«My sutyknulisia z surjoznaj mižnarodnaj prablemaj. Vyrašeńnie hetaj prablemy treba šukać u ramkach mižnarodnaj pravavoj sistemy. Heta zapatrabuje surjoznych kansultacyj jak na ŭzroŭni ekśpiertaŭ, tak i na palityčnym uzroŭni», — padkreśliŭ Savinych.
0
0
0
0
0
0