Takoje rašeńnie źmiaščajecca ŭ pastanovie Savieta Ministraŭ №572 ad 19 krasavika .
Zhodna z pastanovaj, jakaja ŭstupaje ŭ siłu z dnia aficyjnaha apublikavańnia,
raśpićcio słabaałkaholnych napitkaŭ i piva dazvalajecca ŭ roźničnych handlovych abjektach i handlovych abjektach hramadskaha charčavańnia pry ažyćciaŭleńni va ŭstanoŭlenym paradku roźničnaha handlu pivam i słabaałkaholnymi napitkami.
Akramia taho, heta dapuskajecca ŭ roźničnych handlovych abjektach (mahazin, paviljon, kijosk, pałatka i inšyja handlovyja abjekty), u jakich stvorany ŭmovy dla ŭžyvańnia piva i słabaałkaholnych napitkaŭ (jość stały, stały i kresły, stały dla pryjomu ježy stojačy, barnyja stojki i inšaje abstalavańnie), a taksama ŭ handlovych abjektach hramadskaha charčavańnia, a pić piva možna i ŭ miescach praviadzieńnia dehustacyj u markietynhavych metach va ŭstanoŭlenym paradku.
Z metaj vyznačeńnia roźničnych handlovych abjektaŭ, handlovych abjektaŭ hramadskaha charčavańnia, u jakich dapuskajecca ŭžyvańnie słabaałkaholnych napitkaŭ i piva, Saviet Ministraŭ unios adpaviednyja źmianieńni ŭ dziejučuju pastanovu numar 317 «Ab asobnych pytańniach rehulavańnia roźničnaha handlu pivam i słabaałkaholnymi napitkami i ab uniasieńni źmianieńniaŭ i dapaŭnieńniaŭ u niekatoryja pastanovy Savieta Ministraŭ Respubliki Biełaruś pa pytańniach ažyćciaŭleńnia roźničnaha handlu» ad 6 sakavika 2006 hoda.
Ministerstvu handlu pradastaŭlena prava rastłumačvać pytańni vyznačeńnia roźničnych handlovych abjektaŭ, handlovych abjektaŭ hramadskaha charčavańnia, u jakich dapuskajecca ŭžyvańnie piva i słabaałkaholnych napitkaŭ, u adpaviednaści z hetaj pastanovaj Savieta Ministraŭ.
