Staličnyja ŭłady dazvolili arhanizataram pravieści 16 vieraśnia ŭ Miensku na płoščy Banhałor mitynh i kancert pad nazvaj "Vialiki džynsavy fest za svabodu".
Jak paviedamiŭ "Biełorusskomu partizanu" adzin z arhanizataraŭ akcyi namieśnik staršyni partyi BNF Viktar Ivaškievič, mierapryjemstva projdzie z 16-j da 20 hadziny. Praŭda, šeście ad budynku prezydyjuma Nacyjanalnaj akademii navuk usio ž zabaroniena. Mienharvykankam spasłaŭsia na zakanadaŭstva, zhodna ź jakim masavyja mierapryjemstvy zabaroniena pravodzić bližej za 200 m ad stancyj metrapalitenu i miescaŭ zboru vialikaj kolkaści ludziej.
Zaraz arhanizatary ŭdakładniajuć skład udzielnikaŭ rok-kancertu. Miarkujecca, što ŭdzieł u im voźmuć hałoŭnyja biełaruskija rok-kalektyvy, vycisnutyja z aficyjnaj kulturnaj prastory.