Futbolny kłub «Dynama» (Minsk) budzie pakarany za pavodziny svaich fanataŭ padčas niadaŭniaha matča čempijanatu Biełarusi z «Viciebskam», jaki prajšoŭ 28 krasavika. Adpaviednaja zajava staršyni dyscyplinarnaha kamiteta asacyjacyi «Biełaruskaja fiederacyja futboła» Uładzimira Vituški raźmieščana na aficyjnym sajcie ABFF.
Dajučy acenku epizodu, kali hora-zaŭziatary dynamaŭskaj kamandy vyviesili na trybunie prafašysckich baner, Uładzimir Vituška skazaŭ, što dyscyplinarny kamitet, biezumoŭna, adreahuje na hetaje zdareńnie.
«Heta aburalny vypadak nie tolki dla futboła, ale i ŭsiaho biełaruskaha hramadstva. U krainie niama nivodnaj siamji, jakaja nie paciarpieła b ad fašysckaj akupacyi. Da arhanizataram hetaj akcyi buduć pryniatyja samyja surjoznyja miery, čym ciapier i zajmajucca pravaachoŭnyja orhany»,-- adznačyŭ jon.
Dyscyplinarny kamitet ABFF źbiarecca ŭ paniadziełak, 3 maja, i prymie miery ŭ adnosinach da kłuba, jaki niasie adkaznaść za pavodziny svaich zaŭziataraŭ padčas matčaŭ.
«Učynak fanataŭ kładziecca plamaj na «Dynama», takoha ŭ Biełarusi nie pavinna być», -- padkreśliŭ Uładzimir Vituška.«“Buduć pakaranyja i kłub, i balelščyki. Dyscyplinarny kamitet ABFF moža, u pryvatnaści, zabaranić vinavatym u incydencie naviedvać matčy, a da kłubu mohuć być užytyja finansavyja sankcyi, pryčym suma štrafu moža dasiahnuć 10 tys. bazavych vieličyniaŭ (bazavaja vieličynia składaje Br35 tys.). Pry vyniasieńni kančatkovaha rašeńnia buduć uličanyja ŭsie abstaviny spravy», -- adznačyŭ kiraŭnik dyscyplinarnaha kamiteta ABFF.
0
0
0
0
0
0