Navasibirskaja «Sibir» atrymała pieršuju pieramohu ŭ čempijanacie Rasii. 2 maja ŭ matčy 8-ha tura na svaim poli «Sibir» pierajhrała «Rastoŭ» – 2:0 (Miadźviedzieŭ, 58, Nahibin, 87).
Ciapier u kłuba čatyry bały (adna pieramoha, adna ničyja, šeść parazaŭ). Stolki ž bałaŭ u «Saturna». «Kryły Savietaŭ», što zajmajuć 14-je miesca, majuć 5 punktaŭ.
«Sibir» – absalutny navičok rasijskaj premjer-lihi. Adnak kamanda prabiłasia ŭ finał Kubka Rasii i budzie pradstaŭlać Rasiju ŭ Lizie Jeŭropy.
Što ŭ kłubie biełaruskaha?
U składzie i «Sibiry» i «Rastova»– pa try hulcy-biełarusy, najbolšaje naša pradstaŭnictva ŭ susiednim čempijanacie.
Za «Sibir» vystupajuć Dźmitry Mołaš, Jahor Filipienka i Hienadź Bliźniuk, a za «Rastoŭ» – Alaksandr Kulčy, Cimafiej Kałačoŭ i hałkipier Anton Amielčanka.
Zatoje «Sibir» treniruje biełaruski śpiecyjalist – Ihar Kryvušenka. Tamu hety kłub možna nazvać samym biełaruskim.
Siońnia na poli ŭ kožnaj z kamandaŭ było pa dva biełarusy: Mołaš i Filipienka – u składzie «Sibiry», Amielčanka i Kulčy – u«Rastovie».
Jak paviedamlaŭ nn.by, u minułym tury Cimafiej Kałačoŭ atrymaŭ ciažkuju traŭmu (złamana małaja biarcovaja kostka) i adnaŭleńnie składzie ad dvuch da šaści miesiacaŭ,
a Hienadź Bliźniuk źloh z kišečnaj infiekcyjaj.
