Kamandu pakidajuć abaroncy Dziui Uestkat (3+19 punktaŭ pa sistemie «hoł+pas»), Marcin Šeŭc (1+9), Osi Vaananien (0+6), Rychard Lintnier (2+9), Mika Jokieła (0+2), a taksama napadniki Vile Piełtanien (6+20), jaki byŭ kapitanam kamandy, i Bajran Rytčy (3+2).
«Niekatoryja raźvitańni byvajuć vielmi ciažkimi, — zajaviŭ pres‑słužbie kłuba hienieralny dyrektar Siarhiej Katkoŭ. — Piełtanien staŭ sapraŭdnym lideram »Dynama» jak na placoŭcy, tak i pa‑za joju. Rašeńnie pa Piełtanienu dałosia trenierskamu štabu i kiraŭnictvu asabliva nialohka. Vialikaje pytańnie, ci padyšoŭ by jon stylu abnoŭlenaj kamandy. Paśla šmatlikich kansultacyj my pryniali rašeńnie nie pradaŭžać kantrakt ź Vile».
«My byli zacikaŭlenyja va Uestkacie i prapanoŭvali jamu jak minimum vialiki kantrakt, — pradoŭžyŭ Katkoŭ. — Jon byŭ u kursie ambicyj siońniašniaha »Dynama» i spačatku vykazaŭ žadańnie pradoŭžyć kantrakt. Ja viedaju, što i minskija balelščyki chacieli b bačyć Uestkata ŭ składzie abnoŭlenaj kamandy. Adnak jaho kančatkovy vybar pradyktavany nie tolki mierkavańniami spartyŭnaha abo finansavaha charaktaru».
Pavodle słoŭ Katkova, kiraŭnictva «Dynama» śviadoma vybrała šlach »surjoznaha abnaŭleńnia kamandy». «Chacieŭ by padkreślić, što absalutna ŭsia tranśfiernaja palityka ažyćciaŭlajecca ŭ kaardynacyi z hałoŭnym trenieram Marekam Sikoram. Na źmienu chakieistam, jakija syšli, pryjduć mocnyja hulcy, zdolnyja vyrašać pastaŭlenyja pierad kamandaj zadačy. Ab ich padpisańni my aficyjna abjavim u mai», — zajaviŭ hiendyrektar.
