U Mieksikanskim zalivie adbyłasia ŭciečka nafty z padvodnaj śvidraviny, i spynić jaje chutka niemahčyma, skazaŭ amierykanski prezident Barak Abama, jaki naviedaŭ hety rajon.
Prezident ZŠA vylecieŭ u Łuizijanu. Paśla pryziamleńnia jon paviedamiŭ, što situacyja vielmi surjoznaja: «Mahčymaja biesprecedentnaja ekałahičnaja katastrofa», — skazaŭ jon.
Abama zajaviŭ, što naftavaja plama znachodzicca za 15 kiłamietraŭ ad uźbiarežža Łuizijany i pavialičvajecca na 750 000 litraŭ za sutki. Prezident ZŠA pryznaŭ, što ŭciečku chutka spynić niemahčyma: «Nafta, što ŭsio jašče vyciakaje sa śvidraviny, moža prynieści surjoznuju škodu ekanomicy i navakolnamu asiarodździu dziaržavaŭ, jakija miažujuć ź Mieksikanskim zalivam. Na vypraŭleńnie situacyi moža pajści šmat času», — skazaŭ Abama.
Pahroza dla ekanomiki ZŠA
Pašyreńnie naftavaj plamy pahražaje nie tolki navakolnamu asiarodździu ŭ Mieksikanskim zalivie, ale i haspadarcy paŭdniovych štataŭ, u jakoj važnuju rolu adyhryvaje rybny promysieł.
Pa słovach ekśpiertaŭ, kab usio viarnułasia da pieršapačatkovaha stanu, moža spatrebicca da 3 miesiacaŭ. Učora ŭrad ZŠA zabaraniŭ łavić rybu ŭzdoŭž uźbiarežža Łuizijany, Misisipi, Ałabamy i Fłorydy. Rybaki atrymajuć kampiensacyju.
Chto niasie adkaznaść za ŭciečku?
Ł. Mak‑Kiej, prezident brytanskaha kancernu «BP», jakomu naležała śvidravalnaja płatforma, što vybuchnuła i zatanuła ŭ vodach Mieksikanskaha zaliva, abvierh śćvierdžańni, što pryčynaj katastrofy było nievykanańnie patrabavańniaŭ techniki biaśpieki. Pa jaho słovach, padvioŭ elemient abstalavańnia płatformy, jaki ŭ vypadku avaryi abo vybuchu pavinien byŭ zabłakavać šachtu. Jon padkreśliŭ, što sproby aktyvavać jaho praciahvajucca.
Kali heta nie atrymajecca, to błakavańnie padvodnaha tunelu, ź jakoha vyciakaje kala 800 000 litraŭ za sutki, moža zaniać ad 6 da 8 dzion, — skazaŭ Mak‑Kiej.
